Skip to content

«Քաղաքական Դպրոց»

Տեղի ունեցավ «Քաղաքական Դպրոցի» վերջին հանդիպումը՝ նախատեսված Արարատի և Արմավիրի մարզերի մասնակիցների համար։

?Որպես խոսնակ առաջին օրը հանդես եկավ հասարակական-քաղաքական գործիչ, «Ինքնիշխան Հայաստան» կուսակցության նախագահ Դավիթ Սանասարյանը, ով բավականին հայտնի նախաձեռնությունների, հասարակական-քաղաքական գործընթացների հեղինակ է։ Վերջինս մանակիցներին ներկայացրեց Հայաստանում ընթացող քաղաքական գործընթացները, զարգացումներն ու մարտահրավերները։ Հանդիպման ընթացքում մասնակիցները հնարավորություն ունեցան հարցեր տալ, արտահայտել իրենց կարծիքները։

?Երկրորդ օրը երկու մարզերի միջև ծավալվեց քաղաքական բանավեճ, որը վարում էր ԱԺ 7-րդ գումարման պատգամավոր, ԲՀԿ խմբակցության քաղաքական վերլուծաբան Արման Աբովյանը։ Մասնակիցներին հնարավորություն տրվեց խմբերում գործնական աշխատանք կատարել, բանավեճի վերաբերյալ կանոնները, ապա խմբերում ստացան գործնական աշխատանք՝ քաղաքական զարգացումը Հայաստանում ․ հեռանկարների, մարտահրավերների և ազդեցությունը արտաքին հարաբերությունների շուրջ։ Բանավեճի ընթացքում երկու մարզերից մեկական մասնակիցներ հանդես եկան որպես կողմ և դեմ կողմեր, արտահայտեցին իրենց կարծիքներն ու տեսակետները և հնչեցին փոխադարձ հարցեր։

Հանդիպման ավարտին քաղաքական դպրոցի մասնակիցները կազմակերպության նախագահ Լիանա Սահակյանի և Արման Աբովյանի կողմից ստացան մասնակցության վկայականներ և նվերներ։