«Ինչպես դառնալ դիմակայուն ճգնաժամային իրավիճակներում»

Սույն թվականի ապրիլի 2–ին տեղի ունեցավ Նիդերլանդների դեսպանատան աջակցությամբ իրականացվող «Ինչպես դառնալ դիմակայուն ճգնաժամային իրավիճակներում» ծրագիրը այս անգամ Ույծ բնակավայրի վարչական կենտրոնում։

Հանդիպանը մասնակցում էր նաև Հայաստանում Նիդերլանդների Թագավորության արտակարգ և լիազոր դեսպան Մարիկե Մոնրոյ-Վինթերը։

Դասընթացի նպատակն էր բարձրացնել իրազեկվածությունը արտակարգ իրավիճակների վերաբերյալ՝ մասնակիցներին տրամադրելով գիտելիքներ և գործնական հմտություններ՝ ճգնաժամային պայմաններում դիմակայունություն ցուցաբերելու համար։

Հանդիպման ընթացքում մասնակիցները ծանոթացան աղետների տեսակներին, տարածաշրջանի հիմնական վտանգներին, դրանց առանձնահատկություններին և պատճառներին։

Մասնակիցները սովորեցին նաև անվտանգ վարքագծի կանոնները արտակարգ իրավիճակների ժամանակ։ Ինտերակտիվ խաղերի և վարժությունների միջոցով նրանք ամրապնդեցին ստացած գիտելիքները՝ սովորելով գործնականում կիրառել դրանք։

Մասնակիցները մեծ ոգևորությամբ նշեցին, որ այսպիսի նախաձեռնությունները կարևոր քայլ են ավելի տեղեկացված և դիմակայուն հասարակություն ունենալու համար։

Embassy of Armenia in The Netherlands/ Նիդերլանդներում ՀՀ դեսպանություն