Մեկնարկեցինք «Կանանց Ձայնը Խաղաղության Համար» ծրագիրը:
Ծրագրի շրջանակներում առաջին հանդիպումները տեղի ունեցան Վայոց Ձորի Ջերմուկ և Սյունիքի մարզի Մեղրի համայնքներում։
Հանդիպումների ընթացքում մասնակիցները ծանոթացան «Կանայք, խաղաղություն և անվտանգություն» օրակարգին և ՄԱԿ-ի Անվտանգության խորհրդի 1325 բանաձևի հիմնական դրույթներին։ Քննարկվեց նաև կանանց մասնակցության կարևորությունը ազգային ծրագրի գործողությունների իրականացման և տեղայնացման գործընթացում։
Մասնակիցները հնարավորություն ունեցան բարձրացնել իրենց հարցերը, փոխանակել տեսակետները և հստակեցնել թեմայի վերաբերյալ իրենց պատկերացումները։
Ծրագրի շրջանակում նախատեսվում են նաև այլ հետաքրքիր և բովանդակալից հանդիպումներ։
––––––––––––––––––––––––––––––––––––––––
Այս աշխատաժողովը իրականացվել է «Կանանց Ձայնը Խաղաղության Համար» ծրագրի շրջանակում Միացյալ Թագավորության կառավարության Հակամարտությունների, կայունության և անվտանգության հիմնադրամի ֆինանսական աջակցությամբ` «Պատերազմի և խաղաղության լուսաբանման ինստիտուտ»-ի (ՊԽԼԻ) կողմից տրամադրված ենթադրամաշնորհի միջոցով։ Բոլոր կարծիքները, բացահայտումները և եզրահանգումները պատկանում են հեղինակ/ներ/ին և պարտադիր չէ, որ համընկնեն Միացյալ Թագավորության կառավարության պաշտոնական դիրքորոշման կամ ՊԽԼԻ-ի տեսակետների հետ։